Ширењето невистини и манипулации од страна на СДСМ продолжуваат и понатаму. Денешната реакција на ОО СДСМ Кисела Вода на прес-конференцијата на градоначалникот на Општина Кисела Вода, Билјана Беличанец – Алексиќ е само потврда за фактот дека во недостиг на аргументи, неоснованите обвинувања на опозицијата се беспомошно оружје со кое сакаат да го прикријат задоволството на граѓаните на Кисела Вода за сработеното во изминатиот период.

Имено, би сакале да потенцираме дека Општина Кисела Вода најголем дел од проектите кои ги реализираше и сеуште ги реализира, ги финансира од сопствениот буџет. Но, добредојдена е и секоја надворешна помош и донација, која практично е добиена како резултат на довербата што е стекната со напорна и чесна работа и сето тоа во интерес на граѓаните на Општина Кисела Вода.

Апсурдно е да се говори дека општината не инвестира во изградба на канализации, кога споменатата канализација на улицата “Христо Узунов” веќе е завршена. Во најскоро време ќе се пристапи кон изградба и на канализацијата на улиците “Зеленгора” и “Ѓорѓи Сугаре”, за што општината веќе ја изготви проектно-техничката документација.

Смешно е да се тврди дека екологијата е запоставена, кога во изминатиот период се изврши хортикултурно и партерно уредување на неколку фрекфентни локации во општината, а се зголеми и бројот на сезонски вработени кои се грижат за тековно одржување на зелените површини.

Општина Кисела Вода со реализацијата на сите досегашни проекти потврдува дека домаќински и одговорно се однесува со парите на своите граѓани. Така ќе продолжи и во иднина.

Од друга страна пак, недостигот на идеи, СДСМ сака да го надомести со деструктивни и неаргументирани соопштенија, кои никако не поминуваат кај жителите на Кисела Вода. Жителите на Кисела Вода многу добро знаат и гледаат колку се работи во нивната општина.

СДСМ сеуште не може да сфати дека со деструктивна политика и неаргументирано напаѓање не може да се добијат избори. Тоа граѓаните добро го знаат и го потврдуваат на последните неколку изборни циклуси во Кисела Вода.

Со почит,

                                                                                    Општина Кисела Вода