Детската уметничка група “Дивјаци”, формирана во рамките на библиотекарските активности во ОУ „Кирил Пејчиновиќ”, заедно со библиотекарот од ова основно училиште Анета Г. Велкоска, во периодот од 26-27 септември, земаа учество на Детската Книжевна Колонија во Ниш и Дољевац. Дванаесетте ученици од осмо одделение – осмолетка во рамките на дводневната посета реализираа неколку активности.

Првенствено, учениците беа дел од литературните работилници во градската библиотека, имаа средба со писателот Власта Цениќ, присуствуваа на заеднички час со ученици од ОУ „Вук Караџиќ”, посетија многу културни споменици, а своето училиште и Република Македонија на фестивалот ги претставија со проектот Волшебна езерска бајка. Сите ученици добија пофалници и награди за учество на фестивалот.