Во месните заедници Пинтија и Стаклара – Каменик, Општина Кисела Вода финишираше со есенската акција за чистење на својата територија.

Со оваа акција, во овие месни заедници извршено е целосно расчистување на сметот. Се чистеа тротоарите, улиците и тревните површини кои се под надлежност на локалната самоуправа. 

Покрај ова, скастрени се сувите гранки на дрвјата и грмушките, а воедно, се собираше и кабаст отпад. Во акцијата собрани се 5 тони смет.

Имено, Општина Кисела Вода од почетокот на есенската акција која започна на почетокот на септември, активности за чистење на сметот спроведе на сите јавни површини кои се под нејзина надлежност, во сите месни и урбани заедници. Во  оваа акција собрани се над 50 тони смет и кабаст отпад. 

Општина Кисела Вода во периодот што следува ќе продолжи со редовни активности за расчистување на сметот на својата територија. Воедно, локалната самоуправа апелира до граѓаните за почитување на Законот за јавна чистота, како би придонеле за почиста и поубава Кисела Вода.