Денес во дневната болница за зависности беа поставени две канти за медицински – инфективен отпад.

Од сега пациентите – посетителите на оваа болница ќе имаат каде да го одложуваат медицинскиот отпад кој досега го одложуваа насекаде.

Инаку, кантите се донација од страна на фирмата ЕКО КЛУБ од Битола, која во соработка со Општина Кисела Вода ги постави во дворот на болницата за зависности. Од ЕКО КЛУБ Битола отпадот одложен во кантите ќе го собираат еднаш во неделата.

Воедно, пред поставувањето на истите од страна на фирмата ЕКО КЛУБ утрово беше спроведена и акција за расчистување на медицинскиот отпад во дворот на болницата.