Денес градоначалникот на општина Кисела Вода додели 37 ваучери во износ од 6000 илјади денари за новородените бебиња во општината. Бројот на семејства кои досега ја искористиле еднократната парична помош се искачи на 1562.

Во своето обраќање градоначалникот Беличанец – Алексиќ, упатувајќи им честитка на новите родители, уште еднаш испрати порака до сите кои имаат принова да ја поднесат потребната документација за остварување на еднократната парична помош.

Потенцираше дека овој проект кој е дел од Програмата од социјалната сфера на општина Кисела Вода ќе продолжи и ќе се запази се до истекот на нејзиниот мандат.