Во рамките на овогодинешното културно лето “Три круши”, вечерва со почеток во 20 часот и 30 минути, ќе настапи КУД “Китка”. Ова културно уметничко друштво од Драчево, кое насекаде низ светот ги претставува во најдобро светло македонскиот фолклор и традиција, вечерва, на сцената во верско-рекреативниот центар Три Круши, ќе одржи целовечерен концерт. 

Веќе утре, на истата локација и во истиот термин, концерт ќе одржи македонската фолк ѕвезда Наум Петрески, со чиј настап ќе биде затворено овогодинешното културно лето “Три Круши 2016“.

Општина Кисела Вода ве поканува да бидете дел од овие случувања.