Општина Кисела Вода во соработка со Град Скопје и градските јавни претпријатија денес започна со акцијата за расчистување на дивите депонии на цела територија на локалната самоуправа.

Со оваа акција опфатено е расчситување на дивите депонии на оние места на кои и покрај постојаните апели на Општината, постојано се создаваат од страна на несовесни граѓани.

Во оваа акција локалната самоуправа вклучи 20 сезонски работници. Во истата вклучена е и механизација, два камиони од Општината, два скипа и два камиони од Град Скопје.

Покрај ова, во понеделник ќе се врши и кастрење на гранките на дрвјата, ќе се собираат и паднатите лисја од истите, а ќе се расчситуваат и улиците. Оваа акција ќе се спроведе во сите урбани заедници и во неа ќе бидат вклучени 60 сезонски работници од Општина Кисела Вода, а од страна на Град Скопје ќе бидат привремено ангажирани 300 невработени лица.