Вечерва со почеток во 20 часот и 30 минути, македонската поп ѕвезда Верица Пандиловска ќе одржи целовечерен концерт во верско рекреативниот центар Три Круши. 

Општина Кисела Вода ги поканува сите вљубеници на македонската забавна песна да дојдат на вечерашниот концерт и да уживаат во познатите хитови на Верица Пандиловска.

Исто така, синоќа на локацијата Три Круши, бројната публика имаше можност да ужива, во настапот на големата македонска фолк ѕвезда Сузана Спасовска која настапи заедно со групата Академци. Тие со нивниот енергичен настап на присутните им приредија прекрасна забава, која никого не остави рамнодушен.

Богатата концертна програма на културното лето “Три Круши 2016” кое е во организација на општина Кисела Вода, продолжува и наредниот викенд.