Градоначалникот Филип Темелковски денес, во просториите на Општината, оствари средба со амбасадорот на НР Кина во Република Македонија, г-ѓа Јин Ликсиан, како и со претставници од амбасадата.

Упатувајќи му честитка за именувањето на функцијата, амбасадорката пројави желба да се информира за функционирањето на општината. Од страна на градоначалникот Темелковски беше запознаена со специфичностите на општината и нејзините основни обележја. Беше информирана за планираните проекти од кои дел се во соработка со Градот Скопје, кои имаат за цел да ги подобрат условите за живеење на жителите во овој дел на градот.

Посебен интерес амбасадорката изрази и за функционирањето на градинките и училиштата, бидејќи и претходно НР Кина и Општина Кисела Вода имаа соработка во областа на образованието. Градоначалникот Темелковски ја изрази својата благодарност за придонесот на НР Кина, од што произлезе, новоизграденото училиште во населбата Драчево ООУ „Рајко Жинзифов“, симбол на кинеско-македонското пријателство”.

Заеднички дискутираа за продлабочување на соработката и областите каде што би можела таа да биде остварена.  Средбата беше заокружена со желба за понатамошна успешна работа и соработка.